د ځمکپوهنې پوهنځي د پسرلني کرکټ تورنمنټ اتلولي خپله کړه
د ورزشي آمریت د پلان مطابق د تورنمنټونو لړۍ چې په روان کال کې یې ترسره کوي؛ داځل د پسرلني کرکټ تورنمنټ د دثور میاشتې له ۲۷ نېټه کابل پوهنتون پوهنځيو ټیمونو ترمنځ دایر شو.
له ټیمي مرحلو وروسته د ژبو او ادبیاتو او ځمکپوهنې پوهنخي ټیمونو ددې سیالیو پای لوبې ته لاره پیدا کړه؛ په ټیمي مرحلو کې د محصلینو دروسو ته په پام یادو سیالیو کې ۸ اورونو ولوبول شول.
یواځې ددې سیالیو پای لوبه په لسو اورونو ترسره شوه؛ لومړی د ځمکپوهنې پوهنځي پچه و ګټله او توپ وهنې پرېکړه یې و کړه؛ چې په ټاکلو لسو اورونو کې یې د ژبو او ادبیاتو پوهنځي ټیم ته د ۱۲۹ منډو هدف وټاکه.
په پای کې د ژبو او ادبیاتو پوهنځي ټیم په ټاکلو لسو اورونو کې ټاکلی هدف پوره نه کړ؛ او په ۷ منډو یې پای لوبه د ځمکپوهنځي ټیم ته وبایلله؛ په همدې توګه د ځمکپوهنې پوهنځي د یاد سیالیو اتلولي خپله کړه.
د کابل پوهنتون محصلانو چارو مرستیال ښاغلي صلاح الدین ایوبي د سیالۍ په لړ کې د ورزشي امریت مسؤلین، د یادو پوهنځیو استادان او لوبغاړي وهڅول او هغوی یې وستایل.
دا په داسې حال کې ده؛ چې له دې پخوا د والیبال پسرلني تورنمنټ هم په کابل پوهنتون کې ترسره شوی وو؛ چې د دکرنې پوهنځي د والیبال ټیم یې اتلولي خپله کړه؛ ددې سیالیو موخه د کابل پوهنتون غوره شوي ټیم ته د غوره ورزشي چهرو پیژندل بلل شوي دي.
