د مهندسۍ دیپارټمنټ

الف) د ډيپارټمنټ معرفي:

د مهندسۍ دیپارټمنټ په ۱۳۳۷هـ ل کال کې رامنځته شو چې له پیله بیا تر دې دمه له وتلیو ډيپارټمنټونو ګڼل کېږي او د انجینيرۍ پوهنځي په چوکاټ کې فعالیت کوي.

د دې ډيپارټمنټ ډېری استادانو په جاپان کې زده کړې کړې دي. دغه دیپارټمنټ ژمن دی چې محصلینو ته د علمي او معتبرو څېړنو زمینه برابره کړي او دوی ته په دې دیپارټمنټ کې معیاري روزنیز خدمات وړاندې کړي.

ب) د ډيپارټمنټ موخې:

1. لیدلوری:

مهندسۍ دیپارټمنټ غواړي چې د نوښتګرو او وړ محصلینو لپاره د معمارۍ د پلان، طراحي، تولید، ساتنې، په پلانولو کې دهنر او مهارت کارونې او دې ته ورته زمینې برابرې کړي. همدا راز داسې متخصصین به ټولنې ته وړاندې کړي چې د ستونزو د حل وړتیا ولري او د انساني دایمي پراختیا په برخه کې به مرسته وکړي.

۲. ماموریت:

د استوګنیزو او صنعتي‌ ښارګوټو، هوايي‌ ډګرونو، پارکونو او سمسورو هستوګنیزو سیمو د طراحۍ لپاره د ژمنو،‌ وړ او نوښتګرو مهندسانو د علمي‌ مهارتونو د پراختیا او پياوړتیا لپاره د زمینې برابرول.

۳. بنسټي موخې:

دا دیپارټمنټ هڅه کوي‌ چې له لېسانس دورې فارغ شوي‌ ژمن او متخصص مهندسین یې لاندې وړتیاوې ولري:

• په انجینیري- تخنیکي مؤسسو کې د تدریس وړتیا؛
• د هستوګنیزو،‌ صنعتي او ښارګوټو د ودانیو د طراحۍ،‌ تدوین او نظارت وړتیا؛
• د صنعتي‌ مهندسۍ د پروژو د طراحۍ او اجرا وړتیا ؛
• د نوې مهندسۍ په حوزه کې د څېړنو او علمي‌ کارونو وړتیا؛
• د مسلکي-تخنیکي روزنیزو پروګرامونو د اجرا وړتیا؛
• له ودانیزو پروژو د څارنې د پروګرامونو د اجرا وړتیا؛
• په مهندسي دیپارټمنټ کې د ماسټرۍ د زده کړو لپاره محصلینو ته لارسازي

ج. تحصیلي نصاب (تخصصي مضامین)