اداري تشبثاتو اومنجمنټ ډيپارټمنټ
الف ـ د ډيپارټمنټ پېژندنه:
د مديريت او اداري تشبثاتو ډيپارټمنټ د کابل پوهنتون اقتصاد پوهنځي په چوکاټ کې د لېسانس او ماسټرۍ په برخه کې د خدماتو په کولو کې يو مخکښ ډيپارټمنټ دی،ځکه د مديريت او اداري تشبثاتو ډيپارټمنټ د پوهنځي له نورو ډيپارټمنټونو سره توپير لري،ددې په نسبت چې يوه تحصيلي ډيپارټمنټ وي د يوې تحصيلي پروګرام سره ورته والی لري ،نوموړی ډيپارټمنټ د مالي مديريت او خطر ،د بشري سرچينو مديريت او بازار موندنې او تشبث د ښو کادرونو څخه جوړ شوی دی.
د منجمنټ او اداري تشبثاتو ډيپارټمنټ په ۱۹۷۴ م کال کې د اقتصاد پوهنځي په ملاتړ جوړ شو او د کار بازار اړتيا ته په کتلو د اقتصاد د تصدۍ په نوم ياد شو،په ۱۹۹۲ م کال کې ددې ډيپارټمنټ نوم شرايطو او اقتصادي وضعيت ته په کتلو د منجمنټ او صنعت په نوم ياد شو.په ۱۳۸۷ هـ ش کال کې د منجمنټ او صنعت ډيپارټمنټ د محاسبې ډيپارټمنټ سره یو ځای شو. او دا نوې ډيپارټمنټ یوځل بیا اقتصادي تصدۍ په نوم ونومول شوه .خوله هغې څخه څو کاله وروسته د افغانستان په اقتصاد کې د نوښتونو د رامنځ ته کېدو ته په کتلو د اقتصادي تصدۍ ډيپارټمنټ په منجمنټ او اداري تشبثاتو ډيپارټمنټ باندې واوښت او دا نومونه په نړيوال اقتصادي بازار کې د شته رقابتونو سره اړيکه لري.
په ۲۰۱۵ ميلادي کال کې د يو ایس ايډ په تخنيکي او مالي ملاتړ د سوداګرۍ اداره د پوهنتونونو د ملاتړ او د افغانستان د بشري ځواک د پرمختيا په نوم د منجمنټ او اداري تشبثاتو په چوکاټ کې يو پروګرام جوړشو. په افغانستان کې وروستي اقتصادي بدلونونه د دې سبب شول ،تر څو د اقتصاد پوهنځی د افغانستان د اقتصاد په رهبري کولو کې رغنده رول ولوبوي.
د اقغانستان اقتصادي پياوړتيا او رقابت د کابل پوهنتون د اقتصاد پوهنځي سره نه شلېدونکې اړيکې لري.
په ځانګړي ډول دغه وړانديز شوی بدلون د منجمنټ او اداري تشبثاتو ډيپارټمنټ ته دا وړتيا ورکوي تر څو د افغانستان تر ټولو ارزښتمنه پانګه يعنې بشري ځواک د لازمو وړتياوو او مهارتونو په درلودلو سره و روزي او اقتصادي پياوړتيا ته د رسېدو لپاره يې ټولنې ته وړاندې کړي.
ب ـ د ډيپارټمنټ موخې:
لرليد:
اقتصاد پوهنځي د منجمنټ او اداري تشبثاتو ډيپارټمنټ د کسب او کار د پراختيا لپاره د تشبثاتو مديريت،باکېفيته او تحقيقي زدکړو په برخه کې د رهبرۍ رول ته ژمن دي.
ماموريت:
د کسب او کار د مهارتونو په وړاندې کولو سره د محصلانو د ځواکمنول او د تشبثاتو بريالۍ رهبري.دا ماموريت کولی شو د لاندې مواردو له لارې لاسته راوړو:
ـ د محصلانو لپاره د ملاتړ کوونکي اکاډميک چاپېريال برابرول؛
. د ټولنې اړتياوو ته په کتلو دتحصيلي نصاب پلي کول؛
. د محصل محوره تحصیلي کړنلارو په کار اچول؛
. د تشبثاتو او نورو بنسټونو سره ددوه اړخيزو اړيکو جوړول او ساتل
. د اوږد مهاله روزنیزو مهارتو سره د مصلانو بلدول.
ج. تړونونه(تواميتونه)
د کابل پوهنتون د اقتصاد پوهنځي د لېسانس او د ادارې او تجارب ماسټرۍ پروګرامونو د تخنيکي ملاتړ او ظرفيت لوړونې په مخه د امريکا د Ball State University ترمنځ د همکارۍ تړون.
د. تحصیلی نصاب (تخصصی مضامين)
