د تحلیلي کیمیا ډيپارټمنټ

الف. پیژندنه:

 د تحلیلي کیمیا ډيبارټمنټ د کابل پوهنتون د کیمیا د پوهنځی یو له بنسټیزو څانګو څخه شمیرل کیږی، ددی ډیپارټمنټ موخه دا ده چی محصلین د تحلیلي کیمیا پوهې په برخه کې د عصری علومو له پرمختګونو سره سم سمبال کړي چي له هغوی به په ټوله کې د کیمیاوي صنایعو، سپکو صنایعو، په ښوونځیو او لوړو زدکړو کې د کیمیا مضمون په تدریس کې کار اخیستل کیږي.

ب. موخې:

۱.لرلید:

په سیمه او نړۍ کې د صنعت او ټیکنالوژۍ د ودې سره هم مهاله په کار کې د ریښتینولۍ سره د متخصص او اغیزناک کاري ځواک روزنه.

د استادانو او محصلینو د ظرفیت لوړونې لپاره د منظم او ممکنه پلان جوړول، لکه د ساینسي ورکشاپونو او سیمینارونو جوړول.

د ماسټرۍ او دوکتورا درجو ته د استادانو ظرفیت لوړول.

۲.ماموریت:

 د هوساینې د ترلاسه کولو او د هیواد د پرمختګ او د ملي ارزښتونو ساتلو په موخه، علمي اړتیاو ته د ځواب ویلو لپاره د ژمن او صادق کادرونو روزنه.

د دیپارتمنت یو معتبر علمي او اکاډمیک ځای ته لوړول او په سیمه ایزه کچه د عمومي او غیر عضوي کیمیا په برخه کې د بنسټیزو څیړنو ترسره کول.

۳.بنسټي موخې:

 د فزیکي کیمیا زده کونکو او نورو اړوندو پوهنځیو لپاره د عمومي او غیر عضوي کیمیا مسلکي تدریس.

د محصلینو لپاره د فزیکي کیمیا تطبیقاتو پلي کول.

د څانګې لپاره صادق، بریالي، او مسلکي کادرونو روزنه.

د محصلینو لپاره د استادانو او محصلانو لخوا د علمي = څېړنیزو سیمینارونو وړاندې کول.

د کیمیا په ټولو برخو کې د عملي تطبیق او کار لپاره د زده کونکو لپاره هر اړخیزې همکاري.

ج) لابراتوارونه او تعلیمي وسایل:

 د تحلیلي کیمیا ډيبارټمنټ د محصلینو لپاره د عملي کاري روزنې په ډيبارټمنټ کې درې لابراتوارونه لري چې د تشریحي تحلیل لابراتوار، د کمیتي تحلیل لابراتوار او د استادانو او محصلینو د ساینسي څیړنو لپاره یو څیړنیز لابراتوار لري.

په پام کې ده چې په راتلونکي کې د کیمیاوي ټکنالوجۍ یوه ډيبارټمنټ جوړه شي چې فارغ ورکوونکې به نه وي. د دې څانګو عمومي اهداف د هوساینې د ترلاسه کولو لپاره د ژمنو او صادقو کادرونو روزنه ، د هیواد د پرمختګ لپاره علمي اړتیاوې پوره کول او ملي معیارونو ته غاړه ایښودل ،. د ساینسي او اکاډمیکو خدمتونو چمتو کولو او په سیمه ایزه کچه د کیمیا په برخه کې د بنسټیزو څیړنو ترسره کولو په برخه کې د ډیپارټمنټونو وده کول او په نړیواله کچه معتبر علمي ځای ته رسول دي.

ه) تحصیلي نصاب ( تخصصي مضمونونه)