انګلیسي ډيپارټمنټ

الف . د ډيپارټمنټ پېژندنه:

د انګلیسي ژبې او ادبیاتو ډيپارټمنټ په ۱۹۶۳ کال کې د کابل پوهنتون د ښوونې او روزنې پوهنځي په چوکاټ کې تاسیس شو. د ښوونې او روزنې پوهنځي له منحل کېدو وروسته په ۱۹۷۴ کال کې د انګلیسي ژبې ډيپارټمنټ د ژبو او ادبیاتو پوهنځي کې د یو ډيپارټمنټ په توګه شامل شو.

ب. ښوونیزې موخې:

د انګلیسي ژبې ډيپارټمنټ غواړي په هېواد کې زده کونکو ته د انګلیسي ژبې کارولو او تدریس کولو او مسلکي اهدافو ترلاسه کولو، نړیوال معلوماتو، د نړیوالو موسسو او سازمانونو سره د تعامل او کار کولو، د زده کړې کچې پراخولو او په پای کې د خصوصي، ټولنیز او هیواد په کیفیت کې اصلاحات او سمونونه راولي.

۱- لیدلوری:

د انګلیسي ژبې د زده کونکو مهارتونو پیاوړتیا، په انګلیسي ژبه د زده کونکو انفرادي توپیرونو ته ځواب ویل، او د نورو مهارتونو د ترلاسه کول.

۲- ماموریت:

د کابل پوهنتون د انګلیسي ژبې او ادبیاتو یوه نوښتګره، مبتکره، با استعداده او پرمختللې ډيپارټمنټ ده او په دې موخه زده کوونکي روزي، ترڅو په ټولنه کې مبتکر، مسوولیت منلي او د ښو کړنو او ښو تجربو په درلودلو سره وکولی شي خپلې ټولنې ته د خدمت جوګه شي.

۳- بنسټيزې موخې:

• ټولنې ته د انګلیسي ژبې او ادبیاتو مسلکي، متعهدو، بامسولیته او په اسلامي او ملي روحیه سمبال کادرونو وړاندې کول.
• د ټولنې د اړتياو د پوره کولو او انګليسي ژبو وګړو ته د لوړ اسلامي کلتور ورپيژندلو په موخه د انګليسي ژبې د تکړه او مجربه استادانو او ژباړونکيو روزنه.
• له انګليسي ژبې څخه ملي ژبو او له ملي هغو څخه انګليسي ژبې ته د پوهې انتقال لپاره کدر روزل.

ج . لابراتوار او ښوونیز تجهیزات:

د انګلیسي ژبې او ادبیاتو ډيپارټمنټ له انټرنیټ سره نښلول شوی یو مجهز کمپیوتر لب درلودونکې ده، چې زده کوونکي یې د درسي او ښوونیزو موخو لپاره ترې ګټه اخلي .

ج. تحصیلي نصاب ( تخصصي مضمونونه )