د دري ژبې او ادبیاتو ډيپارټمنټ

الف) پېژندنه:

د داخلي ژبو او ادبیاتو پوهنځي په اډانه کې دري ډيپارټمنټ د پښتو همځولی ډيپارټمنټ دی. ځکه په ۱۳۲۳ کال کې د ادبیاتو پوهنځي له تأسیس سره سم د پښتو او دري ژبې او ادبیات په ګډه د یو ډيپارټمنټ په چوکاټ کې تدریسیدل.

په ۱۳۳۵ کال د ادبیاتو پوهنځي د پراختیا او امکاناتو له زیاتوالي سره، دري ډيپارټمنټ د دې پوهنځي د یو مستقل ډيپارټمنټ په توګه اعلان شوه. ادب علمي-اکاډمیکه مجله د دري ډيپارټمنټ هغه مجله ده چې د دري ژبې او ادب په پراخیتا او خپراوي کې مهمه ونډه لري او له څو لسیزو راهیسې خپرېږي.

اوس مهال د دري ژبې او ادبیاتو ډيپارټمنټ په دریو جلا تحصیلي پروګرامونو (لیسانس، ماسټري او دکتورا) کې ټولنې ته استادان، لیکوال، څېړونکي او ژباړونکي وړاندې کوي، چې په مختلفو دولتي او خصوصي سکټورونو کې، لکه: راډیو، تلویزیون، مطبوعات او نورو ادارو کې دندې ترسره کوي.

ب) موخې:

1. لیدلوری:

د دري ژبې او ادبیاتو ډيپارټمنټ د ژبپوهنې او ادبیاتو په برخو کې ټولنې ته متخصص او پر کارپوه کسان وړاندې کوي، چې د ټولنې د کلتوري او ادبي برخو په پرمختګ او همدارنګه په بېلابېلو دولتي چارو کې یې د پام وړ کار کړی دی.

2. ماموریت:

دري ډيپارټمنټ د کابل پوهنتون د ژبو او ادبیاتو پوهنځي هغه علمي او اکاډمیکه برخه ده، چې هر کال د خپل مسوولیت له مخې د دري ژبې او ادبیاتو په برخه کې محصلینو ته د تدریس مسوولیت لري.

همدارنګه نوموړی ډيپارټمنټ د ژبپوهنې او ادبیاتو په برخو کې د استادانو، څېړونکيو، د ادبي اثارو د موندنو او همدارنګه په بېلابېلو وزارتونو کې په کلتوري او خپرنیزو برخو کې د سلاکارانو د روزلو مسوولیت هم لري.

3. اساسي موخې:

دغه ډيپارټمنټ د هېواد د ژبو او ادبیاتو رشتې د محصلانو لپاره په علمي او اختصاصي برخو کې له علمي څېړنو سره د بلدتیا لپاره زمینه برابروي او همدارنګه د ژبې د تدریس په برخه کې ټولنې ته د اغېزناکو کادرونو د وړاندې کولو مسوولیت هم اخلي.

ج. تحصیلي نصاب (تخصصي مضمونونه)