د پلان او پالیسۍ ډيپارټمنټ

الف. پېژندنه:

د پالیسۍ او روزنیزو برنامو د جوړولو ډیپارټمنټ موخه دا ده چې د روزنیز نظام په بېلابېلو ډګرونو کې لکه د پوهنې وزارت، د لوړو زده کړو وزارت او نورو روزنیزو دولتي او غیردولتي مؤسسو په چوکاټ کې او د پالیسۍ او روزنیزو برنامو جوړولو په برخه کې ژمن، کارپوه، اغېزناک او ګټور انساني ځواک وروزي؛ ځکه داسې مدیرانو ته چې لازمه پوهه، وړتیا او لوړ فکرونه ولري ډېره اړتیا ده، نو له همدې امله یاد ډیپارټمنټ د ۲۸/۱۲/۱۳۸۳ نېټې د یو وړاندیز او د لوړو زده کړو وزارت د مقام د منظورۍ پر بنسټ په ۱۳۹۴ کال کې د اروا پوهنې او روزنیزو علومو د پوهنځي په چوکاټ کې رامنځ ته شو.

ب.موخې:

۱. لیدلوری:

ژمن یو چې د هېواد او سیمې په کچه روزنیز پلان جوړونکي او پالیسي جوړونکي ټولنې ته وړاندې کړو.

۲- ماموریت:

د ارواپوهنې او روزنیزو علومو د پوهنځي اړوند د روزنیزو پلانونو او پالیسو ډیپارټمنټ دنده لري چې معیاري خدمتونه او مناسب ښوونیز فرصتونه چمتو کړي او همدارنګه معتبرې څېړنې ترسره او په ټولنه کې د ښوونیزو ستراتیژیکو پروګرامونو د تدوین په برخه کې تحصیل کړي او مسلکي کادرونه وروزي.

۳. ښوونیزې موخې:

د ښوونیزو پلانونو او پالیسیو ډيپارټمنټ د لیسانس دوره د لوړو زده کړو وزارت په چوکاټ کې ګډ ډیپارټمنټ دی چې له رامنځ ته کولو څخه یې موخه د سازمانونو په ځانګړې توګه د ښوونیزو سازمانونو د اړتیا وړ متخصصو سیاست جوړونکو او پالیسـي جوړونکو روزنه ده. سربېره پر دې، دوی باید د امکان تر بریده په ښوونیزو مؤسسو کې د ښوونیزو پلانونو او پالیسیو د ساینسـي میتودونو له کارولو سره اشنا کړي، ترڅو وکولی شي په تعلیمي ادارو کې د زده کړې په بېلابېلو کچو کې د تعلیمي پلان جوړولو مسؤولیت پر غاړه واخلي. د ښوونیزو او تحصیلي بنسټونو، د ستراتیژیو او پالیسیو په جوړولو او پلي کولو سره د مالي، مادي، بشـري او معلوماتي سرچینو په ښه کارونه، د مخکېنیو ټاکل شویو رسمي ښوونیزو اهدافو د ترلاسه کولو لپاره د مناسبې فضا په رامنځته کولو اغیزمن او د امکان تر بریده، غوره ښوونیز خدمتونه وړاندې کړي.

په دې روزنیز دوره کې به زده کوونکي د ښوونیزو پلانونو او پالیسیو له نظري مسایلو سره د اشنا کېدو تر څنګ د دې ساحې له عملي اړخونو هم خبر شي.

ج. د ډيپارټمنټ نصاب (تخصصي مضمونونه)