د ښوونیز مدیریت ډيپارټمنټ

الف) د ډيپارټمنټ پېژندنه:

د ښوونیز مدیریت ډيپارټمنټ د پوهنې په وزارت، د لوړو زده کړو په وزارت او نورو دولتي او نادولتي مؤسسو کې د ښوونیز نظام په بېلابېلو کچو کې د مدیریت په برخه کې د ژمن، کارپوه او ماهر انساني ځواک د روزنې په منظور د ۱۳۸۲ د کب د اته ویشتمې نېټې وړاندیز او د لوړو زده کړو وزارت د ۱۳۸۴ کال د منظورۍ له مخې د کابل پوهنتون د ارواپوهنې اوس رونیزو علومو په پوهنځي کې جوړه او په کار پیل وکړ.

ب. د ډيپارټمنټ موخې:

1. لیدلوری:

د هېواد په کچه د علم د خپراوي، خلکو او هېواد ته د خدمت کولو لپاره، په سیاسي ډګر کې د مسلکي مدیرانو او سیاست مدارانو د روزنې په موخه د لوړ او معتبره علمي، ښوونیز او څېړنیز مرکز په توګه د یاد ډیپارټمنټ مطرح کول او بدلول دي.

2. ماموریت:

د مدیریت ډيپارټمنټ د دوه تحصیلي کچو(لیسانس او ماسټري) په درلودلو سره هڅه کوي چې د ښوونیز مدیریت په برخه کې له وروستیو علمي موندنو څخه په ګټې اخیستنې او د زده کړې په بهیر کې له وروستۍ ښوونیزې ټکنالوژۍ څخه په کار اخیستلو سره غواړي چې د خپلو محصلینو د زده کړې کچه لوړه کړي، تر څو وکولای شي، مسلکي انساني ځواک، رهبران، مدیران، او روزلي سیاست مداران، ښوونیزو سازمانانو، لکه: ښوونځيو، د لوړو زده کړو مؤسسو، پوهنتونونو او نورو مرکزونو ته د ښوونیزو چارو د مخ ته وړولو او همدارنګه د انساني سرچېنو د پراختیا او روزنې لپاره ټولنې ته وړاندې کړي.

3. اساسي موخې:

د ښوونیز مدیریت په برخه کې له وروستیو علمي موندنو څخه په ګټې اخیستنې سره، د نوښتګرو، ځواکمنو او کارپنځګرو محصلانو روزنه او د ښوونیز بهیر لپاره د ښو امکاناتو او تجهیزاتو برابرول.

له نړیوالې پراختیا سره په تناسب، د علمي کادرونو د څېړنیزو او ښوونیزو مهارتونو ځواکمنتیا او پرمختګ.

د مدیریت او ښوونیزې رهبرۍ په برخه کې علمي څېړنې ترسره کول او د کورنیو او بهرنیو علمي مجلو له لارې د هغو خپرول.

د ټولنې ورځنیو بدلونونو او غوښتنو ته په پام د ښوونیز نصاب او ښوونیزو پروګرامونو اصلاح او سمون.

د پوهنې وزارت د پلان له ریاست سره د اړیکو را منځ ته کول او ټینګول او له نوموړي ریاست سره د هوکړه لیکونو لاسلیک کول.

د کار، شهیدانو او معلولینو وزارت د پلان له ریاست سره د اړیکو را منځ ته کول او ټینګول او له یاد ریاست سره د هوکړه لیکونو لاسلیک

په کابل کې له مېشتو یا هم بهر مېشتو مرسته کوونکو سره د اړیکو را منځ ته کول او د هوکړه لیکونه لاسلیک کول.

تحصيلي نصاب (تخصصي مضمونونه)

ګڼه	د مضمون نوم	کودنمبر	کرېدېت	ګڼه	د مضمون نوم	کودنمبر	کرېدېت
1	عمومي مدیریت (د سازمان او مدیریت بنسټونه) (1)	PsEd1-1-101	4	۱۵	ښوونیز نصاب	PsEd3-5-108	4
2	عمومي مدیریت (د سازمان او مدیریت بنسټونه) (2)	PsEd1-2-101	4	۱۶	نظارت او ښوونیزه لارښوونه	PsEd3-5-109	2
3	ښوونیز مدیریت	PsEd2-3-103	4	۱۷	د انساني سرچینو مدیریت	PsEd3-5-110	4
4	تخصصي انګلیسي ژبه (1)	PsEd1316	2	۱۸	د لوړو زده کړو مدیریت	PsEd3-5-111	2
5	کار پنځونه	PsEd1316	2	۱۹	ښوونیزه ټکنالوژي	PsEd3-6-113	4
6	ښوونیزه رهبري	PsEd2-4-104	4	۲۰	ښوونیزه پالیسي	PsEd3-6-114	4
7	روزنیز اقتصاد	PsEd1412	2	۲۱	په مدیریت کې د څېړنې میتودولوژي	PsEd3-6-115	۷
8	په مدیریت کې اخلاق	PsEd2-3-105	۲	۲۲	د تعارض مدیریت	PsEd3-6-115	2
9	په لوړو زده کړو کې د مدیریت کیفیت	PsEd2-4-106	2	۲۳	ښوونیزه برنامه جوړونه	PsEd4-7-117	4
10	تخصصي انګلیسي ژبه (2)	PsEd2-4-107	2	۲۴	د پوهې مدیریت	PsEd4-7-118	2
11	په ښوونیزو مؤسسو کې د پروژو مدیریت	PsEd4-7-116	3	۲۵	د سازماني چلن مدیریت	PsEd4-7-119	4
12	د توسعې پراختیا	PsEd4-8-121	2	۲۶	روزنیزه ارزونه	PsEd4-7-120	4
۱۳	د اړیکو او دفتري چارو مدیریت	PsEd4-8-122	4	۲۷	د کړکېچ مدیریت	PsEd4-8-124	4
۱۴	د ستراتېژیک پروګرام جوړونې مدیریت	PsEd4-8-123	4	۲۸	د څېړنې پروژه	PsEd4-8-125	4