د خصوصي حقوقو ډيپارټمنټ

د خصوصي حقوقو ډیپارټمنټ لیدلوری:

د متخصصو علمي کادرونو د روزولو او د خصوصي حقوقو په برخه کې د مسلکي او حقوقي پوهې د کچې په لوړتیا کې د یو اغېزناک دیپارتمنت په توګه د افغانستان اکاډمیکې ټولنې لپاره د علمي اسانتیاوو وړاندې کول.

د خصوصی حقوقو ډیپارټمنټ مأموریت:

د خصوصي حقوقو دیپارتمنت خپل محصلين په عدلي او قضایي، قانون جوړونې او اجرائیه ځواک برخو کې د خدمت کولو لپاره چمتو کوي. دغه دیپارتمنت هڅه کوي د چوپړونو د وړاندې کولو په برخو کې مسلکي او متخصص کادرونه وروزي ترڅو د هېواد د حقوقي او قضایي برخو ستونزو لپاره حللارې پیدا او همدارنګه د قانون جوړونې ادارې په نیک - اخلاقه بشري ځواک سمبال او د حقوقي شننې پر بنسټ د ټولنې چوپړ وکړي.

د خصوصي حقوقو څانګه د لیسانس په کچه محصلینو ته د حقوقو په برخه کې زده کړې ورکوي، چې خپل فعالیتونه د زده کړيزو پروګرامونو د ښه والي او د ملي او اکاډمیکو موخو پر بنسټ د اغیزمنې پوهې برابرولو ته ځانګړې کوي.

د خصوصي حقوقو ډیپارټمنټ اصلي مسؤلیتونه په لاندې ډول دی:

متخصص، ژمن او مسؤلیت منوونکي بشري ځواک روزنې په موخه زده کړې، ترڅو په دولتي او نادولتي بېلابېلو برخو کې د بشري ځواک اړتیاوې پوره شي.
د پوهې وړاندې کولو په موخه د دیپارتمنت څیړنیز او اکاډمیک مأموریت، د پوهې رامنځته کولو، پراختیا او د ټولنې اړتیاوو ته ځواب ویل او د ټولنې د چارو د ښه والي لپاره اغېزناک علمي وړانديزونه کول.
د زده کړو د څرنګوالي ښه والی.
دولتي و نادولتي ادارو سره همکاري او د څېړنیزو فعالیتونو د څرنګوالي ښه والی او پرمختګ.
په کورنیو او نړیوالو پوړونو کې د علمي همکاریو پرمختګ.

د خصوصی حقوقو ډیپارټمنټ موخې:

له قانون سره سم د حقوقو او سیاسي علومو پوهنځي کې د تحصیلی دورې موده اته سمستره ده چې د څلورو زده کړيزو کالونو په بهير کې پای ته رسېږي. د نوي نصاب له مخې په (۸) اتو سمسترونو کې د نورو د یپارتمنتونو د مضمونونو سربېره د خصوصي حقوقو دیپارتمنت مضمونونه هم تدریسېږي نو پر دې بنسټ د خصوصي حقوقو دیپارتمنت علمي او زده کړه ييزې موخې په لاندې دوو برخو کې رانغاړل شوې دي:

الف- د علمي و اکاډمیکو چارو موخې :

نن ورځ د نړۍ علمي اړتیاوو ته په پام، د علمي او مسلکي رشتو تخصصي کېدل یو اړين او انکار نه منوونکی امر دی چې دا د خصوصي حقوق دیپارتمنت یوه له هغو موخو څخه ده، چې د هغې درک او لاسته راوړنه يې په پنځه کلن ستراتیژیک پلان کې په پام کې نیول شوې ده.
د دیپارتمنت مضمونونه او د هغوی اړوند قوانین د درسي کتابونو په بڼه ليکل او برابرول.
د بېلابېلو کورنیو او بهرنیو پروګرامونو له لارې ددې دیپارتمنت د استادانو د مسلکي زده کړو لوړوالی.
د هېواد دننه او بهر د دوکتورا په کچه د استادانو د زده کړو لپاره د زمینې برابرول.
دیپارتمنت په نويو وسایلو (کمپیوټر، کاپير، پرنټر او انټرنټ) سره سمبالول.
دیپارتمنت په معتبرو علمي کتابونو سمبالول ترڅو استادان د يادو کتابونو څخه د ديپارتمنت اړوند مضمونونو په تدریس کې اغېزمنه ګټه واخلي.

ب- زده کړو پورې اړوند موخې:

د حقوقي علومو له بنسټونو سره د محصلينو بلدول، په ځانګړې توګه پر خصوصي حقوقو له حاکمو قاعدو سره.
د حقوقي موضوع ګانو د درک کولو لپاره د محصلينو د وړتياوو لوړول.
د محصلينو د شننې وړتيا، د بحث ځواک او د علمي اندونو څرګندولو ته وده ورکول.
په محصلينو کې د نوښت حس رامنځته کول او په هرې تخصصي رشته کې دنوښتونو هڅونه.

د خصوصي حقوقو ډیپارټمنټ د علمي کادر غړو نوملړ:

ګڼه	نوم	تخلص	پلار نوم	د زده کړو رشته
۱	بریالی	حکیمی	محمد غوث	حقوق
۲	محمد حامد	مهاجر	آدم خان	حقوق
۳	سراج الدین	طارق	خانزاد ګل	حقوق

د خصوصي حقوقو ډیپارټمنټ درسی نصاب:

ګڼه	مضمونونه	د مضمونونو بڼه	د کرېډېټونو شمېر	سمستر
۱	مبادي حقوق ۱	اساسي	۳	لومړی
۲	د اسلامي حقوقو بنسټونه	اساسي	۲	لومړی
۳	مبادي فقه	اساسي	۲	لومړی
۴	مبادي حقوق ۲	اساسي	۲	دويم
۵	فقهي- حقوقي متونونه	تخصصي	۲	دويم
۶	وجایبو حقوق ۱	اساسي	۲	درېیم
۷	معنوي ملکیتونو حقوق	تخصصي	۲	درېیم
۸	وجایبو حقوق ۲	اساسي	۲	څلورم
۹	حقوقي ليکنه ۱	کار عملی	۲	څلورم
۱۰	د فقهې اصول	تخصصي	۳	څلورم
۱۱	حقوقي ليکنه ۲	کار عملی	۱	پنځم
۱۲	عیني حقوق ۱	تخصصي	۲	پنځم
۱۳	د کورنۍ حقوق ۱	تخصصي	۲	پنځم
۱۴	ټاکلي تړونونه	تخصصي	۲	پنځم
۱۵	فقهي قواعد (مدني)	تخصصي	۲	پنځم
۱۶	سوداګرۍ حقوق	تخصصي	۲	پنځم
۱۷	عیني حقوق ۲	تخصصي	۲	شپږم
۱۸	د کورنۍ حقوق ۲	تخصصي	۲	شپږم
۱۹	سوداګريزو شرکتونو حقوق	تخصصي	۲	شپږم
۲۰	افلاس او تنګ-لاسۍ حقوق	اختیاري	۱	شپږم
۲۱	وګړي او محجورین	اختیاري	۱	شپږم
۲۲	مدني محکمو اصول ۱	تخصصي	۲	اووم
۲۳	خصوصي نړیوال حقوق ۱	تخصصي	۲	اووم
۲۴	بیمې حقوق	ختیاري	۱	اووم
۲۵	فلسفي حقوق	اختیاري	۱	اووم
۲۶	میراث حقوق	تخصصي	۳	اووم
۲۷	خصوصي نړیوال حقوق ۲	تخصصي	۲	اتم
۲۸	مدنی محکمو اصول ۲	تخصصي	۲	اتم
۲۹	سوداګرۍ نړیوال حقوق	تخصصي	۲	اتم
۳۰	اسلامي بانکوالي	اختیاري	۱	اتم
۳۱	اجراي حکمونه	اختیاري	۱	اتم
۳۲	د سوداګريزو شخړو د حل میتودونه	تخصصي	۲	اووم
۳۳	برېښنايي سوداګري	اختیاري	۱	اووم
د خصوصي حقوقو د دېپارتمنت د اتو سمسترونو د کرېدېتونو ټولګه			۶۲

گالری رسانه

Advancements of KU after the victory!

Sat, Aug 16 2025 9:14 AM

Da Afghanistan Information Center video report at Kabul University:

Wed, Jul 30 2025 3:48 PM

Faculty of Engineering, Kabul University

Wed, Jul 30 2025 9:08 AM

From 22 faculties of Kabul University, 2,308 students graduated with a bachelor's degree. Watch more details in the video report below.

Sat, Dec 28 2024 9:26 AM

A video report of the activities and achievements of the Faculty of Chemistry of Kabul University can be seen here.

Thu, Dec 26 2024 1:19 PM

The Fine Arts Faculty of Kabul University: For more details, follow the video report below.

Sun, Dec 08 2024 3:04 PM

A brief report of the activities carried out at Kabul University in the month of Asad.

Mon, Sep 02 2024 2:43 PM

A special conversation with the head of the Faculty of Pharmacy, Dr. Agha Mohammad Zhakfar, regarding the achievements and the general situation of the aforementioned faculty:

Mon, Sep 02 2024 11:12 AM

In Kabul University, the final exams of the students of different faculties of the spring semester continue with full transparency.

Wed, Jul 31 2024 9:24 AM

A special interview with Professor Safiullah Jawhar, the head of the Faculty of Agriculture, Kabul University

Sun, Jul 28 2024 12:13 PM

The three-day workshop for the students of the Department of Theater of the Faculty of Fine Arts was concluded by the guest professor (Dr. Edmund Chow) from Singapore.

Thu, Jul 18 2024 10:42 AM

The water purification system was used after a 30-year hiatus and was reactivated. It is used to irrigate about 60 acres of green space in the university yard. Full report in the video report prepared by Kabul University Publications Directorate.

Sat, Jul 06 2024 10:55 AM