د ۱۳۹۹ د لړم میاشتې د ۱۲ نېټې وژونکي برید په اړه د کابل پوهنتون د رهبري شورا پيغام
بسم الله الرحمن الرحیم
د ۱۳۹۹ د لړم میاشتې د ۱۲ نېټې وژونکي برید په اړه د کابل پوهنتون د رهبري شورا پيغام
په ډېرې خواشینۍ سره د روان کال د لړم میاشتې په ۱۲ نېټه د دوشنبې په ورځ د کابل پوهنتون د پوهې او علم دښمنانو له لوري په زده کړیالانو د برید شاهد وو، چې د افغانانو د یوې نیکمرغه راتلونکې جوړولو په هیله پدې لوی ملي مرکز کې په زده کړه بوخت وو. دا خونړی برید، چې د ۱۸ محصلینو او یو اداري کارکوونکي په شهادت او د ۲۸ زده کړیلانو، ۲ استادانو په ټپي کېدو سره یې د هر انسان زړه او روح ودرداوه. په داسې حال کې د کابل پوهنتون رهبري خپل د ژورې خواشینۍ مراتب د دوی کورنیو، د دې غزیزانو خپلوانو او تحصیلي ټولنې ته وړاندې کوي او خپل ځان د شهیدانو او ټپيان کورنیو او خپلوانو سره پدې غم کې شریک ګڼي، د لوی الله ج له درباره د دې پېښې شهیدانو ته جنت الفردوس او ټپيانو ته د عاجلې روغتیا غوښتنه کوي.
دا خونړی او د نه باور وړ پېښه په داسې ځای کې شوې، چې د علم ملي مرکز او د انسانیت د زده کړې بنسټ دی. هغه بنسټ، چې د کرونا وبا د سراسري کېدو سره یې په غیر منتظره توګه وکولای شول د زیات درد په منلو، په حرکت کې واوسي او د زړه سواندو استادانو، محصلینو او کارکوونکو په خوښه د چټکې زده کړې بهیر په هغه کې جریان ومومي. په داسې وضعیت کې د هېڅ یو انسان په ځانګړي توګه تحصیلي ټولنې ته په هېڅ ډول د باور کولو وړ نه وه، چې دا برکتي ځای د ډزو موخه وګرځي.
د افغانستان شریفه خلکو!
د کابل پوهنتون رهبري، استادان، زده کړیالان او کارکوونکي “نون والقلم و ما یسطرون” باندې په سوګند کولو سره تعهد کوي، چې د الله ج په مرسته پدې لوی علمي مرکز کې د زده کړې او په زده کړه او فکر ویاړ کول تر پخوا څخه ګرم او له ولولو ډک وساتي. هیله مند یو کابل پوهنتون _ دا مرکز د علم او معرفت د تږو مړوونکی_ او د هیواد نور زده کړه ییز مرکزونه د له داسې پېښو څخه په امان کې پاتې شي.
درنښت
د کابل پوهنتون رهبري
