د کابل پوهنتون رهبري هيئت د AHEAD برنامې له مسوولینو سره وکتل او خبرې یې وکړې
د کابل پوهنتون رهبري هيئت د AHEAD برنامې له مسوولینو سره وکتل او دواړو لورو په مختلفو برخو کې د کابل پوهنتون د پراختیا او پياوړتیا په برخه کې په ګډو همکاریو خبرې وکړې.
پدې ناسته کې، چې د روان کال د مرغومي میاشتې په اوومه نېټه د کابل پوهنتون د رییس پوهانددکتور محمد عثمان بابري او د علمي او محصلینو چارو مرستیالانو، په افانستان کې د AHEAD برنامې رییس ښاغلي مایکل بلندیل، مرستیال ډاکټر وحید عمر او مل هئيت، د کابل پوهنتون د یو شمېر پوهنځیو رییسانو او پوهنتون د ریاست دفتر یو شمېر کارکوونکو په ګډون د کابل پوهنتون د علمي ناستو په تالار کې جوړه شوې وه، د اهېډ برنامې رهبري او د افغانستان د لوړو زده کړو پروژو په برخه کې د دوی پروژو او بالعکس د کابل پوهنتون د رهبري او برنامو معرفي، دواړو لورو د ګډو همکاریو، د کابل پوهنتون د بنسټيزو اړتیاوو پېژندنه، د ګډ کار څرنګوالی ... په برخو کې په ګډو همکاریو خبرې وکړې او دواړو لورو څخه د دې همکاریو په پياوړتیا او د کابل پوهنتون د نویو برنامو په پياوړتیا په پوهنتون کې په بدلون یې تاکید وکړ.
د کابل پوهنتون رییس پوهاند دکتور محمد عثمان بابري د ښه راغلاست ترڅنګ پدې لیدنه کې خبرې او د نویو برنامو، چې «د کابل پوهنتون لپاره د بدلون برنامه»، چې د پوهنتون د رهبري له لوري طرحه جوړه شوې، یادونه وکړه او د اهېډ برنامې سره په همغږي یې پروژو ته په اشاره دې برنامې ته وویل: له یو لوري د کابل پوهنتون د بدلون برنامه او له بل لوري د پوهنتون د برنامو د پياوړتیا په موخه د AHEAD سره د همکاریو د اړیکو جوړول کولای شي د پوهنتون ښې راتلونکې ته هېله مند او د دې همکاریو جوړول یې د هغې د تحقق د پيل لپاره یو پيل یاد کړ. وروسته د یو شمېر پوهنځیو رییسانو، چې پدې لیدنه کې حضور درلود هر یو په خپل وار سره د خپلو پوهنځیو طرحې، لیدلوري او اړتیاوې بیان کړې او د همکاریو په پيل او د هغوی په پلي کېدو او د اقدام په عملي کېدو یې تاکبد وکړ.
د اهېډ/ AHEAD برنامه د افغانستان د پراختیا لپاره د لوړو زده کړو د پياوړتیا په موخه یوه برنامه ده، چې د امریکا د متحده ایالاتو د نړۍ والې پراختیایي برنامو (USAID) په چوکاټ کې نوې طرحه جوړه شوې او په فعالیت یې پيل کړی دی، چې اوس د دې برنامې مسوولین په پام کې لري تر څو د پو هنتونونو او د لوړو زده کړو سکتور د مهمو نکتو او بنسټيزو اړتیاوو د پياوړتیاوو په برخه کې همکاري وکړي.
