د کابل پوهنتون رییس د کابل پوهنتون د روان سمسټر د چټکو درسونو له بهیر څخه لیدنه وکړه
د روان ۱۳۹۹ کال د کب په ۱۸ نېټه د دوشنبې په ورځ د کابل پوهنتون رییس پوهاند دکتور محمد عثمان بابري او د دې پوهنتون د محصلینو چارو مرستیال پوهندوی فیصل امین د شرعیاتو، کیمیا او فارمسي پوهنځیو د درسي بهیر او درسي ټولګیو څخه لیدنه وکړه او د روان سمسټر د حضوري درسونو بهیر ارزونه یې وکړه.
بابري پدې لیدنه کې د دې پوهنځیو له محصلینو، استادانو او رهیري یې د درسونو بهیر، د محصلینو تیاریو، د پاتې درسونو اندازه، د محصلینو درسي اړتیاوې او د روان سمسټر اړوندو نورو موضوعاتو په اړه، چې د روانې کب میاشتې په ۱۶ نېټه په چټکه توګه پیل شوي وو خبرې وکړې. یو شمېر محصلینو د پاتې درسونو پر مخ وړلو لپاره د تېرو تیاريو په هکله خبرې وکړې او د حضوري درسونو روان بهیر یې د منلو وړ وباله. هغوی د خپلو وړاندیزونو په برخه کې زیاته کړه، چې د روان سمسټر د وخت د کمښت له امله باید د زده کړو په کیفیت کې خلل واقع نه شي، استادان او محصلین پر اوضاع برلاسي زده کړو ته دوام ورکړي.
پوهاند بابري د انلاین زده کړو او رخصتي په بهیر کې د محصلینو له لوري د زده کړو تعقیب باندې د خوښي د ښوولو ترڅنګ یې د ګرانو محصلینو په وړاندیزونو باندې تاکید وکړ او له استادانو څخه یې وغوښتل تر څو د محصلینو لپاره د مثبتې انګېزې او جدي تیاریو سره د محصلینو لپاره د سمسټر پاتې درسونه ورکړي.
