د خوراکي توکو ټکنالوژۍ ډیپارټمنټ
الف : پیژندنه
د خوراکې توکو ټیکنالوژی څانګه د کرنې پوهنځی یو د مهمو برخو څخه شمیرل کیږي په همدی منظور په ۱۴۰۲ ه ش کال کې دا څانګه د ورزیده او کافی علمی کادرونو چې ډیرو یې خپلي لوړی زده کړي د دنیا په معتبرو پوهنتونونو کې ترسره کړی وی د یوې خپلواکې څانګې په حیث د کرنې پوهنځی په چوکاټ کې فعالیت شروع کړی.
ددې څانګې عمده او اساسی هدف د زده کړیالانو تیارول د خوراکی توکو د تیکنالوژی خصوصی او دولتی سکتور ، په افغانستان کې د خوراکې توکو د صنعت پراختیایې خصوصی او دولتی سکتورونو لپاره د زده کړیالانو تیارول دي ، علاوه ددی نه د خوراکې توکو ټیکنالوژی څانګه د استادانو او فارغینو د طریقه هدف لري تر څو د خوراکې توکو د پروسیس خصوصی سکتور سره اړیکه رامنځته کړي ، ترڅو د کرنې اوبو لګولو او مالدارۍ وزارت او عامی روغتیا وزارت ملاتړ وکړي او همدارنګه په مستقیم ډول د خوراکې توکو د کیفیت او پروسیس خصوصی سکتور هم ملاتړ وکړي په ټوله کې دا څو اړخیزه روند دارنګه ډیزاین شویده ترڅو د خوراکې توکو د کیفیت د ښه والی لپاره هغه تخنیکي کومکونه چه ورته اړتیا لیدل کیږي برابر کړي د فارغینو لپاره د دندې برابرښت او اقتصادی پرمختګ د خوراکې توکو په پروسیس او صنایع باندې ور باندې پورته کړي. د خوراکې توکو ټیکنالوژی څانګې فارغان د لیسانس زده کړی او تخصصی دوره کې د خوراکې توکو د ساتنې مختلفو طریقو اړونده اصولو او مفهومونو ، د خوراکې توکو د کارخانو ډیزاین ، د مختلفو خوراکې محصولاتو تولید ټیکنالوژی ( شیدي او د هغه محصولات ، غوښه او د هغه محصولات ، غلې او د هغه محصولات ، شیرینې یا خوږي ، د خوراکې غوړیو تولید ، کنسروا جوړونه او نور ) بسته کوونه او د خوراکې توکو د کیفی کنټرول او نور رامنځته کړي ، او د فارغیدو وروسته وکولای شي ، د خوراکې توکو متخصص ، د خوراکې توکو د کیفیت واحدونو کنترول مسوول ، د خوراکې توکو شرکتونو د ډیزاین متخصص ، د غذایې توکو د تولید او کیفیت کنترول متخصص ( د کیفیت کنترول متخصص ، د تولید متخصص ، د پراختیا او څیړنې متخصص او نورو ) په دولتي سازمانونو او بنسټونو کې په خوراکې توکو د نظارت متخصص ، يه زده کړو کارونو ، څیړنو او نورو برخو کې د کمک او مرستي متخصص خپل رول او وړتیاوی څرګندوي.
زده کړیز موخې :
د هیواد په سطح باندی د غذایی توکو تیکنالوژی علومو په برخه کې د معیاري پوهی او تخنیکونه وړاندې کوي.
د غذایې موادو ساتنی د مختلفو طریقو اړونده اصولو او مفهومونه ، د خواکې توکو کارخانو ډیزاین ، د مختلفو خوراکې محصولاتو د تولید ټیکنالوژی اړونده د یوې ټولیزي زده کړی پیشکش یا مخکی ته کول .
د خوراکې موادو امنیت په خاطر د مختلفو کرنیزو ټیکنالوژیو په کار وړل.
په دولتی او غیر دولتی ادارو کې د دندو او مسلکې مسوولیتونو ترسره کول د علمی څیړنو ترسره کول د ټولنیزو او اقتصادي ستونزو د حل کولو لپاره د پوهې ښه والی خوراکې صنعت پرمختګ او پالیسیو او ستراتیژیو د جوړولو لپاره د توکو برابرول.
لیدلوری:
د خوراکي تکنالوژی څانګه ژمن ده چې علمي، څیړنیز او تعلیمي سکتورونه د هغو متخصصینو د روزلو لپاره معیاري کړي چې په افغانستان کې د خوړو اړوند ننګونو د حل لپاره د څیړنې، تعلیم او ترویج له لارې عملي او د کارونې اړونده وړ پوهه او مهارتونه ولري.
ماموریت:
د خوراکي توکو د تکنالوژی څانګه د ظرفیت لوړولو، د علمي کارکوونکو د روزلو او د کرنې د سکتور د یوې مهمې برخې د پراختیا لپاره په ملي او سیمه ایزه کچه د مسلکي خدمتونو د وړاندې کولو په برخه کې د معیاري علمي، څیړنیزو او علمي خدمتونو وړاندې کولو ته ژمن ده.
بنسټیزې موخې:
- په هیواد کې د خوړو په سکتور کې د اړتیا وړ متخصص بشري منابعو روزنه
- د خوړو د علومو او ټیکنالوژی په برخه کې د زده کړیالانو لپاره د هراړخیز زده کړې چمتو کول؛ ځکه چې پورته ذکر شوي علوم په ټولو محصولاتو او توکو کې کارول کیږي.
- د ټیکنالوژی په برخه کې د زده کړیالانو لپاره د فرصتونو برابرول چې اوس مهال په افغانستان کې د پروسیس په پروسه کې کارول کیږي.
- د نویو ټیکنالوژیو په برخه کې د خوړو د پروسس په سکتور کې د اوسنیو ننګونو د حل کولو لپاره زده کړیالانو ته د فرصتونو برابرول.
- د اړونده صنعت سره د اړیکو پیاوړې کول ترڅو د زده کړیالانو لپاره د کار فرصتونه زیات شي او په راتلونکي کې د کارګمارونکو سره د انټرنشپونو او منظم تعاملاتو چمتو کړي.
- په هیواد کې د خوراکي توکو د پروسیس د څانګې او د برخه والو ترمنځ د اړیکو ټینګول.
- د ټولنیزو-اقتصادي، علمی ستونزو د حل لپاره د علمی څیړنو ترسره کول، د خوړو صنعت ته وده ورکول او د پالیسیو او ستراتیژیو جوړولو لپاره مواد چمتو کول.
تړون ( هوکړه لیکونه):
اوس مهال د افغانستان د پوهنتونونو په کچه په ځانګړې توګه د کرنې د پوهنځيو په کچه بورسونه شتون لري.
د خوړو د ټیکنالوژی څانګې تحصیلي نصاب (ځانګړي مضامین).
گالری رسانه
