په کابل پوهنتون کې د شاګرد محوره زده کړو او د مثبت پایلو لرونکي تدریس په اړه ورکشاپ دائر شو
د روان کال مرغومي میاشتې په ۱۹مه نیټه د دوشنبې په ورځ د کابل پوهنتون د بیلابیلو پوهنځیو د ۲۰ تنو ځوانو استادانو لپاره د شاګرد محوره زده کړو او د مثبت پابلو لرونکي تدریس OBE-SCL)) په اړه ورکشاپ دائر شو. دا ورکشاپ د مسلکي پراختیا مرکز PDC)) لخوا جوړ شوی و.
د دې پروګرام موخه د فعاله تدریسي مېتودونو او ارزونې په برخه کې د ځوانواستادانو ظرفیت او مهارتونو ته وده ورکول دي ترڅو دوی وکولی شي محصلینو ته د با کیفیته درسونو چمتو کولو او وړاندې کولو کې ترېنه استفاده وکړي.
پدې ورکشاپ کې د کابل پوهنتون علمي مرستیال ښاغلي پوهاند محمد شفیع شریفي ګډون کړی وو او له استادانو یې وغوښتل چې پدې پروګرام کې فعاله ونډه واخلي. د یادونې وړ ده، چې دغه ورکشاپ به د جدي میاشتې تر ۲۹مې نیټې پورې د ۱۰ ورځو لپاره دوام ولري.
