د کابل پوهنتون استادانو د وړتیاوو ټاکلو ورکشاپ جوړ شو
د « کابل پوهنتون استادانو د وړتیاو ټاکل» ورکشاپ د کابل پوهنتون د ارواپوهنې او روزنیزو علومو پوهنځي د پیداګوژي څانګې له لوري د پوهنتون د محصلینو چارو مرستیال پوهندوی فیصل امین او د ښکلو هنرونو پوهنځي، ژورنالیزم او اړیکو، انجنیري او کمپیوټر ساینس پوهنځيو یو شمېر استادانو په ګډون د روان کال د چنګاش په ۲۳ نېټه د چهارشنبې په ورځ د پوهنتون د مرکزي کتابتون په تالار کې جوړ شو.
د کابل پوهنتون د محصلینو چارو مرستیال پوهندوی فیصل امین د دې ورکشاپ د جوړېدو په موخه یې د ارواپوهنې او روزنیزو علومو پوهنځي د پیداګوژي څانګې استادانو څخه د مننې او درناوي ترڅنګ وویل، چې د دې ډول ورکشاپونو جوړول د استادانو د تواناييو او پوهنیزو او مهارتي وړتیاوو په برخه کې زیات مهم او ګټور دی او پدې برخه کې باید زیات ورکشاپونه او سمینارونه جوړ شي. د ښاغلي امین په وینا پدې ډول برنامو او ورکشاپونو کې استادانو موقع پیدا کوي، چې خپله او اکاډمیکه پوهه له یو بل سره شریکه کړي او د یو بل له شته تجربو څخه ګټه پورته کړي او خپله وړتیا او توانايي لوړه کړي. د کابل پوهنتون د محصلینو چارو مرستیال تاکید وکړ، چې د دې پوهنتون رهبري په ځانګړې توګه د پوهنتون جلالت مآب رییس تل د دې ډول علمي او اکاډمیکو برنامو ملاتړی دی.
د کابل پوهنتون د استادانو د وړتیاوو ټاکل ورکشاپ د یوې ورځې لپاره جوړ شوی دی او لس تنه استادان په يو وخت او لس تنه نور بیا په بل ټایم کې له یو بل سره د کابل پوهنتون د استادانو د وړتیاوو د ټاکلو په برخه کې خبرې اترې او نظرونه شریکوي. د ارواپوهنې او روزنیزو علومو پوهنځي د پیداګوژي څانګې استاد او د دې ورکشاپ جوړوونکی پوهنمل رضا میرزايي وايي، چې د نړۍ په زیاتو معتبرو پوهنتونونو کې د استادانو د وړتیاو پیدا کولو او ټاکلو په موخه ورکشاپونه شتون لري او په همدې موخه مو دا ورکشاپ جوړ کړی دی. ښاغلي میرزايي زیاته کړه، چې هغوی له دې لارې د کابل پوهنتون وړ او غوره استادانو پېژندني او دا به د نورو استادانو د هڅونې سبب شي، چې پدې ډول برنامو کې ګډون وکړي. د میرزايي په وینا، دا ورکشاپ کولای شي استادان د نويو استادانو په ګمارنه، د استادانو ارزونه او د استادانو د ظرفیت او علمي او څېړنیزو مسایلو کې به مرسته او لارښوونه وکړی.
