تحصیلی پروګرام
په ځمکپوهنه پوهنځي کې محصلان د څلورو کلونو لپاره زده کړي کوی. د څلورو کلونو درسي پروګرام په اتو سمسترونو ویشل شویدی. د څلورکلنۍ دوری له پای ته رسولوسره سم محصلان، خپل لیسانس ددې پوهنځی د دری ګونو څانګو، هایدرومتیورولوژي، جغرافیې او جیولوجي له یو څانګې څخه تر لاسه کوي
لرلید
د ځمکپوهني پوهنځی د غوره او ګټورو علمی تحصیلی خدمتونو په وړاندی کولو سره، ددې هیواد ځوان نسل ته قدرت وربښلی او ددوی د وړتیا لپاره یې لاره هواره کړیده چې دا د هیواد د ټولنې د پرمختګ او روښانتیا لپاره تر ټولو غوره لاره ده. د ځمکپوهني پوهنځي لیدلوری د یو علمي تحصیلی سیستم رامنځته کول دی چې؛ له لوړ کیفیت برخمن وی او د ټولونړیوالیو نورمونو او ستنډردنونو سره یو شان، د هر ډول تعصب او منفي اړخونو څخه پاک، چې له یو لوري په نویې تکنالوژي سمبال او له بل لوري، د لوړ علمی او اداری مدیریت درلودونکی وی او د کابل پوهنتون او لوړو زده کړو وزارت په کچه عالی اعتبار او ځای ولری.
ماموریت
د ځمکپوهني پوهنخي د کابل پوهنتون د ۲۱ ګانه پوهنځیو له ډلی څخه هغه پوهنځۍ ده چې د دریو څانګو لکه هایدرومتیورولوژي، جیولوجی او جغرافی په مرسته د ځمکې اتموسفیر، هایدروسفیرو لیتوسفیر او بایوسفیر تر څیړنې لاندې نیسي. دغه پوهنځۍ د دریو فارغوونکو څانګو په درلودلو سره په ۱۳۵۹ه ش کال د ځمکې پیژندونکو د روزنې په موخه رامنځته شو، او تر اوسمهال یې په زرګونو محصلان د ځمکې علومو په بیلابیلو برخو لکه اوبه، هوا، معدنونه، طبیعي زیرمې، جغرافیه، چاپیریال ساتنه کې یې د لیسانس په کچه روزلی چې په بیلابیلو سکتوری وزارتونو او ځانګړو ادارو کې په دنده بوخت دی، دا په داسی حال کې ده چې په هیواد کې لا تر اوسه ځمکه پيژندونکو ته اړتیا لیدل کیږي، چې د هیواد د طبیعی زیرمو څخه په ګټه اخیستنه کې کلیدی رول لری.