د کابل پوهنتون د فارمسي پوهنځي او د افغانستان د خوړو او درملو ملي اداري ترمنځ د همکاریو هوکړه لیک لاسلیک شو

website admin
چهارشنبه ۱۴۰۰/۵/۱۳ - ۱۵:۱۱
ku

د کابل پوهنتون د فارمسي پوهنځي او د افغانستان د خوړو او درملو ملي ادارې ترمنځ د همکاریو هوکړه لیک د روان کال د زمري په ۱۳ نېټه د چهارشنبې په ورځ د کابل پوهنتون رییس پوهاند دکتور محمد عثمان بابري او د افغانستان د خوړو او درملو ملي ادارې ریسس داکټر محمد ابراهیم شینواري، د ولسمشرۍ ماڼۍ د چارو ادارې مرستیال پوهنمل دکتور عبدالکریم توتاخېل او د کابل پوهنتون د فارمسي پوهنځي رییس پوهنوال اقا محمد ژکفر له لوري لاسلیک شو. د دې هوکړه لیک په لاسلیک کې د کابل پوهنتون ریاست او د ولسمشرۍ مانۍ د چارو اداره تائید کوونکي او ملاتړ کوونکي دي.

د کابل پوهنتون رییس پوهاند دکتور محمد عثمان بابري د دې هوکړه لیک د لاسلیک پر مهال وویل، چې پدې هوکړه لیک کې مثبت او کلیدي ټکي شتون لري او دا کولای شي د فارمسي پوهنځي او د افغانستان د خوړو او درملو ملي اداې تر منځ د همکاریو کچه لوړه کړي. پوهاند بابري تاکید وکړ، چې د کابل پوهنتون د فارمسي پوهنځي علمي او اکاډميکې وړتیا ته په کتو د خوړو او درملو ملي ادارې سره همکاري ته تیار دی. د کابل پوهنتون رییس زیاته کړه، چې پدې هوکړه لیک کې مهم او حیاتي تعهدات شامل دي او د خوړو او درملو د کیفیت د غوره والي لپاره او همدارنګه په هیواد کې د درملتونونو او درملو تولید شرکتونو کړنو څارنې باندې اغېزمن دی.

وروسته د افغانستان د خوړو او درملو ملي ادارې رییس ډاکټر ابراهیم شینواری د دې هوکړه لیک د لاسلیک څخه یې د کابل پوهنتون د رییس همکاري او ملاتړ څخه مننه او ستاینه وکړه، ویې ویل، چې د خوړو او درملو ملي اداره یوه حیاتي او بنسټیزه اداه او د کابل پوهنتون د فارمسي پوهنځي مرستې او همکاري ته یې اړتیا پیدا کړې او دا هوکړه لیک لاسلیکوي. ښاغلي شینواري زیاته کړه، چې د دې هوکړه لیک د غوره پلي کېدو لپاره د خوړو او درملو ملي ادارې او د کابل پوهنتون او فارمسي پوهنځي ترمنځ یو کاري ګروپ جوړیږي ترڅو له نژدې له یو بل سره مسایل شریک کړي او په هیواد کې د خوړو او درملو د کیفیت او اغېزمنتوب په برخه کې د مثبتو بدلونونو سبب شي.

په ورته وخت کې دولسمشرۍ ماڼۍ د چارو ادارې مرستیال دکتور عبدالکریم توتاخېل د کابل پوهنتون د فارمسي پوهنځي او د خوړو او درملو ملي ادارې ترمنځ یو د همکاریو په برخه کې غوره ګام وباله او د هیواد د خوړو او درملو کیفیت کنټرول او څارنه ټیټه ده او پدې برخه کې سیسټم هم له ستونزې سره مخ دی او مونږ هیله لرو، چې د دې هوکړه لیک لاسلیک وکولای شي پدې برخه کې ګټور او اغېزمن واقع  او د فارمسي پوهنځي د استادانو او فارمسستانو له وړتیاوو څخه ښه ګټه پورته شي.

همدارنګه د کابل پوهنتون د فارمسي پوهنځي رییس پوهنوال اقا محمد ژکفر وایې، چې د دې هوکړه لیک د مفاد پربنسټ د فارمسي پوهنځي او د درملو ملي ادارې ترمنځ  د خوړو او درملو مهمو ستونزو او اړتیاوو باندې علمي څېړنې او مطالعې تر سره کول، د خوړو فارمسستانو او تکنشنانو دوامداره مسلکي پراختیا، د خوړو او درملو د سټراټیژيو او پالسیو جوړولو په هکله همکاري، خوړو او درملو ملي ادارې د ګمارنو بورډ له لارې د فارمسستانو په استخدام کې همکاري، د درملو او زهرجنو موادو لپاره د مرکز جوړول او د معلوماتو ورکونې لپاره د ګډ مرکز جوړولو د سرچینوجذبول، او د سمي موادو کنټرول او تشخیص به تر سره شي.

 

تازه خبرونه

سه‌شنبه ۱۴۰۱/۳/۳ - ۱۷:۲۹
Background image

د کابل پوهنتون علمي شورا نوبتي ناسته جوړه شوه

د کابل پوهنتون علمي شورا نوبتي ناسته د روان کال د غبرګولي په ۳ نېټه د کابل پوهنتون د رییس او د هغه د مرستیالانو ، د پوهنځیو رییسانو او د دې شورا د نورو غړو په ګ‌‌‌‌‌‌ډون په کابل پوهنتون. . .

دوشنبه ۱۴۰۱/۳/۲ - ۱۷:۵۳
Background image

په کابل کې د ایران اسلامي جمهوریت سفیر له کابل پوهنتون څخه لیدنه وکړه

په کابل کې ایران اسلامي جمهوریت سفیر بهادر امینیان له کابل پوهنتون څخه لیدنه وکړه او ددغه پوهنتون له رییس دکتور اسامه عزیز سره یې وکتل او د کابل پوهنتون او ایراني پوهنتونونو ترمنځ یې د. . .

یکشنبه ۱۴۰۱/۳/۱ - ۹:۲۹
Background image

د کابل پوهنتون رییس د خپرونو، علمي مجلې او د پوهنتون تر لسانس پورته برنامو امریتونو څخه لیدنه وکړه

د کابل پوهنتون رییس دکتور اسامه عزیز، د پوهنتون علمي چارو مرستیال پوهاند محمد شفیع شریفي او مالي او اداري مرستیال معلم احمد حقاني په ملتیا د کابل پوهنتون د خپرونو، علمي مجلو او تر لسانس. . .

BACK TO NEWS

All Media

د کمال خان بند د پرانیستې په پار د افغانستان د اوبو مطالعه او مدیریت تر عنوان لاندې علمي او څېړنیز کنفرانس

په کابل پوهنتون کې د نیالګیو کېنولو کمپاین پیل

د کابل پوهنتون د عامه ادارې او پالیسي او دریاضیاتو پوهنځيو د نوې ودانۍ پرانیسته