د فارمسي پوهنځي په میني لب کې د درملو د کیفیت ارزونې د دریم دور شروع
د کابل پوهنتون او د پارتیسیپ دفتر ترمنځ د لاسلیک شوي هوکړه لیک پر اساس د درملو د کیفیت ارزونې دریم دور د فارمسي پوهنځي د میني لب په لابراتوارونو کې د روان کال د دوشنبې ورځ د تلې میاشتې په ۹ مه نېټه د یادې پوهنځي د رئیس ، استادانو، د پارتیسیپ دفتر مسؤلینو او انالیستانو په حضور کې شروع کړ.
پدغه دوره کې ۱۹ قلمه درمل چې د مرکز او ولایاتو له ۳۳ روغتونونو څخه جمع شوي د فارمسي پوهنځي د میني لب په مرسته ارزیابي کېږي.
دغه دور به دری اونۍ په بر کې ونیسي چې په اوله اونۍ کې به انالیستانو ته دوباره زده کړې ورکړل شي او په دوو نورو اونیو کې به په عملي ډول ذکر شوي درمل وازمایل شي.
د یادونې وړ ده چې ټول انالیستان د فارمسي پوهنځي فارغان دي. ددغه ارزیابۍ په جریان کې به د فارمسي پوهنځی د څلورم ټولګي زده کړیالان هم د عقد شوي هوکړه لیک مطابق د میني لب په لابراتوارونو کې عملي زده کړې تر سره کړي .
د یادې ارزیابۍ راپور او پایله به د ارزیابۍ څخه وروسته ارائه شي.
