دلومړي ځل لپاره په آنلاین بڼه د آلمان او فرانسي دوو ژبپوهانو د پښتو څانګې د ماسټري او دکتورا ماسټري محصلینو ته لکچر وړاندې کړ

د روان ۱۳۹۸کال د لړم میاشتې په اوږدو کې د کابل پوهنتون ژبو او ادبیاتو پوهنځي د پښتو څانګې ماسټري او دوکتورا برنامو محصلینو ته په آنلاین بڼه د آلمان بن پوهنتون  (پي ایچ ډي)  ژبپوه ( سبیستیان زمري)  او د فرانسې د ختیځو ژبو پوهنتون ( انالکو) استاد ډاکتر متي د ژبپوهنې په برخه کې پرېزنټېشن او لکچر ورکړ.

دا لومړی ځل دی، چې پښتو څانګې ماسټري او دکتورا برنامې محصلینو ته دوه بهرني استادان په آنلاین بڼه درس ورکوي.

ډاکتر سبیستیان د تاريخي او پرتليزې ژبپوهنې په رڼا کې پر پښتو ژبه خبرې وکړې، له نورو ژبو سره يې د پښتو نيږدېوالی وڅيړه او ژمنه يې وکړه، چې نيږدې راتلونکي کې به د اړوندو نورو درسونو لپاره کابل ته راشي.

ښاغلی سبيستيان، چې په ژبپوهنه کې د دوکتور

ا تر کچې زده کړې لري او د څو نورو ژبو ترڅنګ په پښتو هم روانې خبرې کوي،  پرځان  يې پښتو نوم (زمری)  ايښی دی.

فرانسوي ژبپوه د ويډيو کنفرانس له لارې، د کابل پوهنتون پښتو ماسټري او دوکتورا محصلينو ته د پښتو او نورو ژبو پر فعلونو پرتلیز بحث وکړ.

د فرانسې د انالکو پوهنتون د پښتو ژبې استاد ژبپوه ډاکتر متي، په دغه آنلاين ليکچر کې د پښتو فعلونو پر ډلبندۍ خبرې وکړې او له نورو نړيوالو ژبو سره يې په دې برخه کې د پښتو ژبې پرتله وکړه.
د ليکچر په پای کې د ګډونوالو لخوا سوالونه مطرح شول او ډاکټر متي وويل، چې په نيږدې راتلونکي کې به د نورو درسونو لپاره کابل ته راشي او دغه لړۍ به همداسې وغځېږي.