د کابل پوهنتون علمي شورا نوبتي غونډه ترسره شوه

نوموړې غونډه د روان کال مرغومې میاشتې په ۲۶نېټه د پوهنتون د رئیس په رهبرۍ ترسره شوه. په دې غونډه کې د پوهنتون علمي او اداري قضیو له جملې څخه د حقوقي زده کړو ملي مرکز د نوې طرحې منظورېدل، د تدارکاتي پروسې په اړه وضاحت، د استادانو مسلکي پراختیا مرکز درې کلن انکشافي پلان تاییدېدل، د آنلان درسونو راپور اورېدل، د فوق لیسانس برنامې اړوند موضوعات، داسلامي بانګدارۍ څانګې رامنځ ته کېدل، د پوهنتون دمیلمستون د کړنلارې (طرزالعمل) تاییدول، د کابل پوهنتون او ولایاتو پوهنتونو د استادانو ګمارنه او علمي ترفیعات، د مخکینۍ علمي شورا د پریکړو څارل او نورو مواردو په اړه بحث او خبرې وشوې او دهغه په اړه د قوانینو، اصولو او مقرراتو سره سم پریکړې ترسره شوې.

د پوهنتون رئیس ښاغلي دکتور اسامه عزیز په دې جلسه کې د پوهنځیو له رئیسانو څخه وغوښتل، ترڅو اداري او تدریسي مسؤلیتونو ته پام و کړي او خپلې ستونزې د پوهنتون له هبرۍ سره په وخت شریکې کړي.