د کابل پوهنتون رییس د لړم دولسمې تروریستي پېښې شهیدانو له کورنیو سره وکتل

ناپیژنده (not verified)
چهارشنبه ۱۴۰۰/۳/۲۶ - ۱۶:۱۰
ku

د کابل پوهنتون رییس پوهاند دکتور محمد عثمان بابري په داسې حال کې، چې د دې پوهنتون مرستیالانو هم شتون درلود د روان کال د غبرګولي په ۲۶ نېټه د چهار شنبې په ورځ د کابل پوهنتون د لړم دولسمې نېټې د تروریستي برید شهیدانو له کورنیو سره وکتل  او د پوهنتون په انګړ کې د دې شهیدانو د یاد په موخه د تاریخي څلي د جوړېدو په هکله یې نظرونه شریک کړل.

پدې لیدنه کې د کابل پوهنتون رییس پوهاند دکتور محمد عثمان بابري د لړم دولسمې د شهیدانو پاک روح ته دعا او کورنیو ته یې تسلیت ووایه او ویې وویل، چې دا زړه بوګنوونکي پېښه هېڅ وخت نه هېریږي او د هیواد د لوړو زده کړو کورنۍ په ځانګړې توګه کابل پوهنتون ورڅخه تل متاثره دی. پوهاند بابري زیاته کړه، چې د کابل پوهنتون رهبري هڅه کړې او همدارنګه په هڅه کې ده تر څو د شهیدانو کورنیو او ټپیانو سره همکاري وکړي او پدې برخه کې کارونه هم تر سره شوي دي.

پدې لیدنه کې همدارنګه د کابل پوهنتون رییس د لړم دولسمې تروریستي پېښې د شهیدانو د یاد په موخه د یوه تاریخي څلي د جوړېو طرحه، چې د انجنیري او د ښکلو هنرونو پوهنځي د استادانو او محصلینو له لوري د لړم دولسمې پېښې شهیدانو له کورنیو سره شریکه کړه او د دې طرحې په هکله یې د هغوی د نظریاتو د شریکېدو غوښتونکي شول. پوهاند بابري وویل، چې د کابل پوهنتون رهبري تل له استادانو، محصلینو او د نظر خاوندانو سره سلا مشورې کړي، چې د لړم دولسمې شهیدانو د یاد تاریخي څلی هېله بښوونکی، تلپاتې او د کابل پوهنتون د ماسټر پلان او د افغاني ارزښتونو  په پام کې نیولو سره جوړ شي. کابل پوهنتون رییس د خپلو خبرو په یوه برخه کې یې زیاته کړه، چې په نژدې راتلونکې کې یو موزیم د لړم دولسمې تروریستي برید شهیدانو په یاد په لویه ودانۍ کې، چې د چین هیواد له لوري د کابل پوهنتون په چاپېریال کې جوړه شوې ده پرانیستل شي تر څو ټول اجناس او مادي، معنوي او فرهنګي وسایل، چې د دې پېښې د شهیدانو څخه پاتې شوي دي په هغه کې وساتل شي او پدې ډول د هغو یاد تلپاتې شي.

همدارنګه پدې لیدنه کې د کابل پوهنتون د محصلینو چارو مرستیال پوهندوی فیصل امین د کابل پوهنتون د لړم دولسمې تروریستي برید دردناک او نه هېرېدونکی بللو ترڅنګ یې تاکید وکړ، چې د کابل پوهنتون رهبري به د لړم دولسمې تروریستي برید شهیدانو کورنیو سره به هېڅ ډول همکاري او ملاتړ ونه سپموي او هڅه کوي، چې ترڅو د شهیدانو د یاد او همدارنګه د کورنیو د روح او روان د ارامتیا په برخه کې معنوي، فرهنګي او مادي هڅې تر سره کړي. پدې لیدنه کې د لړم دولسمې شهیدانو کورنیو په  کابل پوهنتون کې د شهیدانو لپاره د تاریخي څلي د جوړېدو طرحې څخه د ستاینې او مننې ترڅنګ د کابل پوهنتون د رهبري له لوري د دې تروریستي برید عاملانو ته د عدالت تر سره کولو غوښتنونکي شول او ویې ویل، چې د کابل پوهنتون رهبري دا کار کولای شي د لاسه ورکړل شوو دوستانو درد لپاره پټۍ شي.

د یادونې وړ ده، چې پر کابل پوهنتون د تروریستي برید په لړ کې د پوهنتون ۱۸ محصلین، یو کارمند او یو سرتېرۍ شهیدان شول.

تازه خبرونه

شنبه ۱۴۰۵/۸/۳۰ - ۱۴:۳۲
Background image

عاليقدر امیر المؤمنين -حفظه الله- په کابل پوهنتون کې علمي-څېړنيز کنفرانس ته وينا وکړه

د ا.ا.ا محترم زعيم عاليقدر-اميرالمؤمنين -حفظه الله تعالی ورعاه- نن په کابل پوهنتون کې د علماء کرامو، د پوهنتونونو استادانو او څېړونکو يوې سترې علمي غونډې ته وينا وکړه.

محترم زعيم –حفظه. . .

شنبه ۱۴۰۵/۸/۳۰ - ۱۲:۳۹
Background image

د کورنیو چارو وزیر الحاج خلیفه صاحب سراج الدین حقاني حفظه الله:

اوس د مسؤولیت په ریښتوني معنا اداء کول له تېر شل کلن انقلابي دور څخه ډېر سخت دی.
د نظام لپاره بنیادونه باید په شرعي معنا وي، بیا الله تعالی دې نظام ته نوره ترقي هم ورکوي.

شنبه ۱۴۰۵/۸/۳۰ - ۱۲:۳۶
Background image

د کورنیو چارو وزارت قدرمن وزیر الحاج خلیفه صاحب سراج الدین حقاني حفظه الله:

مونږ له ډېرې اوږدې زمانې وروسته د الله تعالی په نصرت د یوه سپېڅلي نظام شاهدان یو.
موږ د اسلامي نظام د نفاذ او عملي کولو په درشل کې یو، دا مسؤولیت له جهادي دور وروسته تر ټولو ستر او. . .

BACK TO NEWS

گالری رسانه

د کابل پوهنتون ۲۰۹۶ محصلین د لیسانس په کچه فارغ شول

له فتحې وروسته د کابل پوهنتون پرمختګونه!

په کابل پوهنتون کې د افغانستان معلوماتو مرکز ویډیويي راپور:

د کابل پوهنتون انجنیري پوهنځی

د ا.ا.ا د ریاست الوزرا اداري مرستیال مولوي عبدالسلام حنفي صاحب وینا:

د کابل پوهنتون محصلینو په فراغتغونډه کې د ریاست الوزراء سیاسي مرستیال مولوي عبدالکبیر صاحب:

د کابل پوهنتون له ۲۲ ویشت پوهنځیو څخه ۲۳۰۸ تنه محصلین د لیسانس په کچه فارغ شول نور حال په راپور کې

د کابل پوهنتون کیمیا پوهنځی د فعالیتونو او لاسته راوړنو چمتو شوی ویډیویي راپور دلته کتلی شئ.

د کابل پوهنتون وترنري علومو پوهنځۍ: د زیاتو معلوماتو لپاره لاندې ویډیويي راپور وګورئ.

د کابل پوهنتون د فزیک پوهنځي په تاریخچې، لاسته راوړونو او راتلوونکو پلانونو په اړه ځانګړی راپور:

په کابل پوهنتون کې د تېرې اسد میاشتې په لړ کې د ترسره شویو فعالیتونو اړوند لنډ راپور. 

د فارمسي پوهنځي له رئیس دوکتور آقا محمد ژکفر سره د یاد پوهنځي په لاسته راوړنو او عمومي وضعیت ځانګړې مرکه: