په کابل پوهنتون کې د الکترونیکي زده کړو یا (HELMS) برنامه پیل شوه
په دې برنامه کې چې د دوو ورځو لپاره ترسره کیږي، له هر پوهنځي څخه یو تن استاد او د پوهنځيو تدریسي مدیرانو برخه اخیستې وه.
په دې برنامه کې د کابل پوهنتون دوه استادانو هر یو پوهنیار ننګیالی ننګیال او سیدکاظم هاشمي د الکترونیکي زده کړو یا (HELMS) څرنګوالي په اړه ګډونوالو ته معلومات وړاندې کړل او ددې سیستم مهم جزیات یې هغوی ته تشریح کړل.
د کابل پوهنتون علمي چارو مرستیال ښاغلي محمد اشرف غیرت د برنامې په پیل کې د ګډون ترڅنګ د آنلاین زده کړو ارزښت په اړه خبرې وکړې او له ټولو استادانو او تدریسي مدیرانو څخه یې غوښتنه وکړه؛ ترڅو په دې برنامه کې په منظمه توګه برخه واخلي.
په پام کې ده، د برنامې له پای ته رسېدو وروسته ګډونوال استادان او تدریسي مدیران په خپلو پوهنځیو کې د نورو استادانو او کارکوونکو لپاره نوموړې برنامه ترسره او نوموړی سیستم هغوی ته وروپیژني.
