مولوي معلم احمد حقاني د کابل پوهنتون د مالي او اداري مرستیال په توګه معرفي شو
د افغانستان د اسلامي امارت د ریاست الوزرا مقام د حکم پربنسټ ښاغلی مولوي معلم احمد حقاني د کابل پوهنتون د مالي او اداري مرستیال په توګه وګمارل شو او په دې اړه د روان کال د غوايي میاشتې په ۲۱ نېټه د چهارشنبې په ورځ د یوې غون‌‌‌‌‌‌ډې په لړ کې د کابل پوهنتون د رییس ښاغلي دکتور اسامه عزیز له لوري د دې پوهنتون استادانو او کارمندانو ته وروپېژندل شو.
پدې غون‌‌‌‌‌‌ډه کې د کابل پوهنتون رییس خبرې وکړې او د پوهنتون نوي مالي او اداري مرستیال ته یې د بریالیتوب غوښتنه وکړه او همدارنګه یې وویل، چې په اسلامي شریعت کې دنده یو اللهي امانت دی او مونږ هیله لرو، چې مولوي حقاني دا امانت او مسوولیت د پوهنتون د نورو مسوولینو په همکاري او د الله ج په توفیق سره په ښه توګه تر سره کړي.
ښاغلي مولوي حقاني هم پدې غون‌‌‌‌‌‌ډه کې خبرې وکړې او د ریاست الوزرا له باور څخه د مننې ترڅنګ یې د کابل پوهنتون له استادانو او کارمندانو څخه وغوښتل تر څو له ده سره د دې علمي او اکا‌‌‌‌‌‌ډمیک بنسټ کې همکاري وکړي او خپلې مشورې ونسپموي.
