د کابل پوهنتون د فوق لسانس برنامو نوی امر معرفي شو
د روان ۱۴۰۰ د کب په ۸ د یکشنبې په ورځ د کابل پوهنتون د فوق لسانس برنامو نوی امر د کابل پوهنتون د علمي چارو مرستیال او یو شمېر استادانو په حضور کې د یاد امریت کارمندانو ته معرفي شو.
پوهنوال دکتور یارمحمد منګل د کابل پوهنتون د بهرنیو ژبو او ادبیاتو د پوهنځي د عربي څانګې استاد د پوهنتون د علمي چارو مرستیال له لوري د کابل پوهنتون د فوق لسانس برنامو د نوي امر په توګه معرفي شو.
د کابل پوهنتون د علمي چارو مرستیال پوهاند محمد شفیع شریفي د دکتور منګل د معرفي په غونډه کې د دې برخې د پخواني امر د کارونو څخه د ستاینې ترڅنګ یې دکتور منګل یې د درناوي، نیک صفته، په لوړو زده کړو سمبال او د پوهنتوني معیارونو سره برابر شخص وباله او د نوي مسوولیت د مبارکي ترڅنګ یې ورته د بریالیتوب هیله وکړه. همدارنګه دکتور منګل د کابل پوهنتون رهبري د باور څخه د مننې ترڅنګ یې هیله وښوده، چې وکولای شي د پوهنتون رهبري او استادانو په همکاري، ورته سپارل شوی نوی مسوولیت په ښه توګه پر مخ یوسي.
